Erdi Aroko azoka ez da maiatzean egingo eta Udalak ez du erabaki aurten egingo den

Jokin Bereziartua Lizarazu 2010ko mai. 11a, 18:18
Azken sei urteetan maiatzean egin izan da Erdi Aroko azoka. Bada, Udalak jakinarazi duenez, aurten ez da maiatzean egingo. Maiatzean ez egitearen arrazoia da, Udaleko Kultura sailak dioenez, Naparbideak elkartearekin direla akordio batera iritsi, azoka noiz egin zehazterakoan. Orain arte Udalak Naparbideak elkartearekin antolatu izan du azoka.

Maiatzean ez da egingo eta Udalak ez du oraindik erabaki aurten egingo den. Are gehiago,  datozen urteetan ere azokarekin aurrera egingo duten ere ez dute erabaki. Jon Garai kultura teknikariak ziurtatu du maiatzean behintzat ez dela egingo. Hala, aurten egingo den ere, Garaik dioenez, "inkognita" bat da: "Naparbideak elkartearekin data aukeratzekoan ez gara akordio batera iritsi, besteak beste, maiatzean San Andresko jaiak, Musakolako jaiak eta Mundumira daudelako".

 

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak