Azken sei urteetan maiatzean egin izan da Erdi Aroko azoka. Bada, Udalak jakinarazi duenez, aurten ez da maiatzean egingo. Maiatzean ez egitearen arrazoia da, Udaleko Kultura sailak dioenez, Naparbideak elkartearekin ez direla akordio batera iritsi, azoka noiz egin zehazterakoan. Orain arte Udalak Naparbideak elkartearekin antolatu izan du azoka.
Maiatzean ez da egingo eta Udalak ez du erabaki aurten antolatuko duen. Are gehiago, datozen urteetan Erdi Aroko azoka egingo den ere "inkognita" bat da, Jon Garai Udaleko Kultura teknikariak jakinarazi duenez. Udalak eta Naparbideak elkarteak antolatzen dute azoka, eta aurten, Kultura sailak adierazi duenez, ez dira akordio batera iritsi azokaren data zehazterako orduan. Udalak, noiz egin ez jakitearen arrazoi moduan azaldu du aurten San Andresko jaiak, Musakolako jaiak eta Mundumira maiatzean egingo direla. Ez da ahaztu behar aurreko urteetan, beste ospakizun bereziren bat egon denean, Erdi Aroko azokaren parte-hartzeak behera egin duela nabarmen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak