Erdi Aroko azoka hori antolatu eta gauzatzeko enpresa kontratatzeko lehiaketa abiaraziko dute orain. Lehiaketa irabazten duen enpresak 24.500 euroko aurrekontua izango du aurtengo azoka antolatzeko. Jakina, enpresa hori kontratu artean, ezingo dugu jakinarazi zein ezaugarri izango dituen Erdi Aroko azokak aurten.
Hori bai, enpresa hori aukeratzeko orduan, Udalak orain arte baloratu ez duen ezaugarri bat baloratuko du: enpresak egiten duen eskaintza herriari eta herriaren errealitateari moldatzea.
Edo bestela esanda, baloratuko du aurkeztutako proposamenean herriko kultura baliabideak kontuan hartzen dituzten, udalerriaren egitura geografikoa kontuan hartzen duten, Arrasateren gaineko Historia lantzen duten, mitologia kontuak aztertzen dituzten eta halako ezaugarriak.