Enpresa Digitaleko zentroen sarean sartuko da Garaia Berrikuntza Gunea. Orain arte, Araba (Miñano), Bizkaia (Zamudio) eta Gipuzkoako (Donostia) parke teknologikoetako zentroek osatzen zuten sare hori. Datorren astean hasita IKTen gaineko jardunaldiak egingo dituzte Arrasateko Garaia Berrikuntza Gunean, Mondragon Unibertsitateak koordinatuta.
Ekimen honekin IKTen eta sare sozialen mundua hurbildu nahi zaie profil tekniko edo informatikoa ez duten Debagoienako enpresen direktibo eta beste kide batzuei. Kurtsoak debaldekoak dira eta, publikoaren aldetik erantzun ona jasoz gero, etorkizunean jarraipena izango dute beste ziklo batzuekin.