Otalorako 24. zenbakian dago garajea, 27,27 metro karratu ditu, eta esandako moduan, enkanterako ezarritako irteera prezioa da 45.000 euro. Beraz, enkantean parte hartzen dutenek kopuru hori edo hortik gorakoa eskaini beharko dute. Horrekin batera, 1.300 euro pasatxoko garantia ere aurreratu beharko dute.
Azaroaren 2a baino lehen
Erosketa proposamenak Biztanleen Arreta Zerbitzuan aurkeztu behar dira, azaroaren 2a baino lehen. Eta data ondo zaintzea komeni da, izan ere, ez dituzte onartuko epez kanpoko eskaintzarik, nahiz eta demostratu eskaintza Correosen aurkeztu zutela epea amaitu baino lehen.
Azaroaren 11n, irabazlea
Behin epea bukatuta eta eskaintza guztiak jasota, azaroaren 11n zabalduko dituzte, jendaurrean, eta momentuan jakinaraziko dute zeinek eskuratuko duen Otalorako garajea. Eta jakinarazpenetik hilabeteko epean egingo dituzte eskriturak Arrasateko Udalak eta garajearen ugazaba berriak.