Elkarretaratzea indarkeria matxistaren kontra

Arrasateko Emakumeen Aurkako Indarkeriaren Kontrako Plataformak deituta, elkarretaratzea egin dute ustez biolentzia matxistaren ondorioz Orondritz herrian hilda agertu zen Irungo neskaren kasua salatzeko.

Emakumeei erasorik ez! zeraman pankartaren atzean elkartu dira hainbat herritar herriko plazan, udaletxearen aurrean. Bertan egon dira besteak beste, udaleko hainbat alderditako zinegotziak, baita herriko zenbait taldetako ordezkariak ere.

Pasa den astelehenean, hilaren 7an aurkitu zuten Nagore Laffage 20 urteko gazte irundarraren gorpua. Ikerketa polizialen arabera, itota hil zen neska, eta hatz bat moztu zioten identifikazioa zailtzeko. Momentuz 27 urteko gizon bat atxilotu dute. Atzo deklaratu zuen atxilotuak epailearen aurrean, eta hilketa burutu izana aitortu zuen. Bi orduz deklaratu ostean, epaileak kartzelara bidali du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.