Ekitaldiz lepo dator liburuaren hilabetea

Gaur ospatzen da Haur Liburuaren Eguna, eta datorren hilaren 23an, berriz, Liburuaren Eguna (Migel de Cervantes eta William Shakespeare hil ziren eguna). Apirila liburuaren hilabetea dela esan daiteke, hortaz. Bada Arrasate udal liburutegiak egitarau oparoa prestatu du hilabete osorako: erakusketa eta hitzaldiak, haur antzerkia, ipuin kontaketa eta solasaldiak antolatu dira. Aste Santuan, noski, etenaldia egingo da.

Aurten ere egitarau luzea eta interesgarria antolatu du Arrasateko Udal bibliotekak Liburuaren Egunaren harira. Liburuaren Eguna apirilaren 23an bada ere –Cervantes eta Shakespeare hil ziren eguna ospatzen da–, aste santuan ezik, hil osoan zehar izango da zertaz gozatu Kulturaten eta Santa Marinako bibliotekan.


'Biblioteca en guerra'
Gainera, eguaztenetik dago zabalik Biblioteca en Guerra erakusketa; II. Errepublikan eta 36ko Gerran biblioteka publikoek literaturaren alde egindako lan mardula islatzen du. Erakusketa dela-eta hitzaldi bi antolatu dituzte: Intelektualak eta antifaxismoa Espainiako Gerra Zibilean: zenbait adibide (apirilak 23) eta Pagar por leer en la biblioteca pública (apirilak 30). Ipuin kontaketak, kontalariak eta literatura solasaldiak ere egingo dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.