Ekitaldi sorta bikaina Al-Andalusen Kultura Astea agurtzeko

Jokin Bereziartua Lizarazu 2010ko mai. 20a, 20:28
Azken txanpan sartuko da Al-Andalus elkartearen Kultura Astea. Ardo dastatzea egiten ari dira orain bertan eta 60 lagunendako lekua egin zuten, asmoa ez zen-eta jendea modu masiboan erakartzea. Bada, erabat bete da zerrenda, aste osoan zehar egin diren ekitaldiek izaten ari diren arrakastaren adierazle. Eta oraindik ez da bukatu, aste bukaera osoa falta da.

Musakolako jaietan Urrezko Astakiloa jasotzea pozgarria izan zen Al-Andalus elkartearendako. Rafael Gomez presidenteak honakoa adierazi du: "Ez genuen saria espero baina bide onetik goazela ziurtatzeko balio izan digu". Gomezek dioenez, Andaluziaren enbaxadoreak dira hemen, baina baita Euskal Herriko enbaxadoreak Andaluzian. Finean, Arrasaten integratzeko ahalegin berezia egin dute.

Orain arteko ekitaldiak arrakastatsuak izan dira. Baina oraindik badago zer egin: gaur bazkideek osatutako taldeen arteko Play-back lehiaketa, zapatuan afaria, eta domekan Alegria de la Sierra eta Sueños de Andalucia taldeen kontzertua.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak