Urte hauetan guztietan Arrostaitz eta Txikitxu taldeetan ibilitako dantzariek hartu zuten parte urtemuga festan.
Dantza aspaldi utzitakoak, egun dantzari direnak eta lehen urratsak ikasten dabiltzanak. Ehundik gora dantzarik hartu zuten parte atzo Txikitxuren 40. eta Arrostaitzen 20. urteurrenak direla eta plazan egindako erakustaldian, denak ere bi taldeei lotuta egondakoak.
Askotariko dantzetan adin guztietako jendea batuz, ikusle piloa erakarri zituzten.
Festa ez zen dantzariekin amaitu. Giokelaren eskutik saiheski pintxoak egon ziren, baita dantza taldeetako gurasoek prestatutako taloak ere. Goseren kontzertuak borobildu zuen eguna.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
