11:00etan atera dira Zaldibartik erraldoiak Arrasateko kaleak kolorez, musikaz eta dantzaz janzteko irrikitan. Eta 13:00etan kontzentrazioa egingo dute Herriko plazan Arrasateko, Ondalango, Txantreako eta Sanduzelaiko konpartsek. Arratsaldean, berriz, pilota partidu ikusgarriak izango dira (17:00etan Uarkape); estelarra Irujo-Merino eta Titin III.a eta Laskurainen artekoa.
Atzo, berriz, goizeko entzierroak sustoa eman eta iazko jende pilaketa gogora ekarri bazuen ere, hortik aurrerako guztiak jai-giroan eta ezusteko barik segitu zuen. Gazteak ondo asko ibili ziren Zaldibarren, Patxin Matxin taldeak antolatutako Skate jaian.
Eguerdi parteko gosea asetzeko, berriz, oilasko gozo askoekin pintxoak egin zituzten Eusko Labelen eskutik eta Incansables txarangak gogor jardun zuen lanean.
Arratsaldean, dantza tradizionalek (Soka dantza, Larrain dantza…) hartu zuten Arrasateko erdigunea.
Eta gaua gazteendako izan zen batik bat, txosna-guneko eszenatokitik barreiatutako rock-and-roll doinuak tarteko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
