Besteak beste, Juan Jose Ibarretxe lehendakaria, Ino Galparsoro Arrasateko alkatea, Mikel Uribetxeberria Ederlaneko Errektore kontseiluko presidentea, Juan Mari Palencia Fagor Ederlaneko zuzendari nagusia eta Angel Akizu Edertekeko gerentea egon dira inaugurazioan.
Teknologia zentroa
Edertek Teknologia zentroa, Garaia Berrikuntza Gunean ireki duten lehenengo teknologia zentroa Fagor Ederlan taldeak sustatu du, eta 10 milioiko inbertsioa eskatu du.
2.500 metro koadro ditu denera Edertekek, bi eraikinetan banatuta.
- Lehenengoa, Ikerketa eremua da, eta hiru esparrutan banatuta dago: material eta produkzio prozesu berrien ikerketa, bezeroekin elkarlanean osagaien diseinu eta garapena eta azkenik, moldeen eta moldeatzeko tresnen berrikuntza eta diseinua piezak fabrikatzeko. Ikerketa prozesuaren abiapuntua bezeroak emandako datuak dira, hau da, osagaiak nolakoak izango diren, zein tokitan jarriko diren edo egin beharreko esfortzua, adibidez. Gero, eta aurresateko eta simulazio tresnak erabiliz, osagai birtualak diseinatu eta garatzen dira. Ikertzeko ahalmen horren adibide dira besteak beste, BMW, Opel edo Jaguar markentzako egindako azken diseinuak.
- Bigarren eraikinean IMA edo Industrializazio Modulu Aurreratua dago. Diseinatu eta garatutako osagaiak balioztatzen dira han.