Dorre elektriko bat erre da San Andresen

Atzo gauerdian sustoa izan zuten San Andresko auzotarrek. Tiroen antzeko zaratak entzun ziren, baita argitasuna ikusi ere; lekuko batek kontatutakoaren arabera, Grupo San Juanetik etxafuegoak balira moduan ikusi zituzten.

Bada, Udaltzaingotik emandako informazioaren arabera, gertatu zena izan zen Iberdrolaren dorre elektriko bat erre egin zela. San Josepe kaleko dorrea, Kurtzetxiki inguruan, hain zuzen ere. Zorionez, ez zuen bestelako kalterik eragin, ez pertsonal eta ezta materialik ere. 

Gertaera horrez aparte, Udalean ez dute bestelako gertakariren berririk. Patxi Arburuak, Zerbitzu Saileko arduradunak kontatutakoaren arabera, goizeko lehen orduan ibili dira herriko ibaien urak zaintzen, eta dagoeneko ur kopurua gutxitu egin zaiela ikusi dute. Beraz, zorionez, badirudi okerrena pasatu dela. Dena den, oraindik alertan gaude, badaezpada, Herrizaingo Sailaren arabera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.