Domu Santu egunean bertan eta bezperan, hau da, zapatu eta domekan ez ohiko ibilbide eta ordutegia izango ditu herri barruko autobus urbanoak. Zapatuari dagokionez, goizeko 10:00etan aterako da lehen autobusa Gorostizatik, eta 18:00etan azkena.
Ibilbidea
Ibilbidea, berriz, honako hauxe izango da: Gorostiza-Erguin-Arima Zubi (Bolintxo)-San Andres-Garibai-Maala-San Frantzisko biribilgunea-Legarre-Musakola-Joan Bengoa-Santa Teresa-Agarre-Obenerreka-Makatzena-Hilerria. Jakina beheranzko ibilbidea gorakoaren alderantzizkoa izango da.
Geraleku batetik bestera bost minutu inguruko aldea izango du eta autobusa orduro pasako da: hilerrira igotzeko puntuan eta jaisteko, erdietan. Hain zuzen ere, hilerritik herrira jaisteko azkeneko autobusa 18:30ean aterako da San Kristobaldik.
Domekakoa
Domu Santu egunari berari dagokionez, berriz, 10:00etan hasiko da urbano zerbitzua, Gorostizatik eta zapatuan baino maiztasun handiagoa izango du, ordu erdiro aterako da-eta autobus bat Gorostizatik. Gero, bost minuturo pasako da geraleku bakoitzetik.
Hilerrira igotzeko azkeneko zerbitzua 18:30ean aterako da, Gorostizatik; jaisteko azkeneko autobusa, berriz, 19:00etan izango da. Bukatzeko, ibilbideari dagokionez, zapatuko ibilbide bera egingo du domekan.