Domu Santurako autobus zerbitzu bereziak

Domu Santu egunean eta bezperan, hau da, domeka eta astelehenean ez ohiko ibilbide eta ordutegia izango ditu Arrasate barruko autobus urbanoak. Domekan, 10:00etan aterako da lehenengoa Gorostizatik, eta 18:00etan azkena; orduro pasako da. Eta astelehenean ere 10:00etan hasiko da, baina ordu erdiro pasako da urbanoa eta 18:30ean aterako da azkena, Gorostizatik.

Ibilbidea, honako hauxe izango da: Gorostiza-Erguin-Arima Zubi (Bolintxo)-San Andres-Garibai-Maala-San Frantzisko biribilgunea-Legarre-Musakola-Joan Bengoa-Santa Teresa-Agarre-Obenerreka-Makatzena-Hilerria. Jakina beheranzko ibilbidea gorakoaren alderantzizkoa izango da.

Bost minutu batetik bestera

Geraleku batetik bestera bost minutu inguruko aldea izango du. Hilerritik herrira jaisteko azkeneko autobusa, berriz, domekan 18:30ean aterako da San Kristobaldik, eta astelehenean, berriz, 19:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.