Bi helburu zituen asteburuan Arrasaten Itxungi Irratiaren inguruan antolatutako jaialdiak: irratia bera ezagutzera ematea eta finantziazioa lortzea. Balorazioa egiterakoan antolatzaileak gustura agertu dira, euren esanetan bi helburuak bete dituzte-eta.
Hamar talde
Bi egunetan egin dute jaialdia, eta denera 400 pertsona inguru pasa dira Arrasateko gaztetxetik kontzertuak ikustera.
Egubakoitzean bost taldek jo zuten. Material Rechazado ere jotzekoa zen, baina arazoren bat medio, No Hope taldeak hartu zuen bere lekua.
Zapatuan beste bost talderen txanda izan zen. Kanpoko jende asko ere etorri zen, eta horrek bizitasuna eman zion kontzertuari. Estiloei dagokienez, punk, Oi! eta rocka izan ziren nagusi.
Orain programazio propioa lantzen ari dira Itxungi irratikoak; asmoa da berau urria erdialdetik aurrera emititzen hastea.