Dogma 95 mugimenduaren inguruko hiru film datozen hiru domeketan, gaztetxean

Arrasateko gaztetxeko zinemak aurrera dihardu, bestelako zinema eskaintzen. Oraingoak Danimarkako Dogma 95 zine mugimenduaren gaineko hiru film emango ditu AGAKOk, datozen hiru domeketan. Mugimenduaren aita diren Lars von Trier, Thomas Vinterberg, Kristian Levring eta Soren Kragh-Jacobsen zuzendariek pelikula sinple eta errealen aldeko hautua egin zuten, post-produkzio handirik gabe zineman, hain zuzen. Dogma 95 mugimenduko filmek "egia sakona" bilatu gura dute, errealitatearen inongo apainketa barik.
Hiru film datozen hiru domeketan: ekainaren 6an Thomas Vinterberg-en La Celebracion (1998) filma botako dute, hilaren 13an Lars Von Trier-en Los idiotas (1998) eta azkenik, ekainaren 20an, Susane Bier zuzendariaren Despues de la boda (2006) ikusi ahalko da. Sarrera doakoa izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.