Orain dela urtebete irekitako lehen denda itxi egingo dute, hortaz; horretarako, eskaintza berezia egiten dabiltza egunotan: bost arropa, bost euroren truke.
Arrasateko Udalarena den lokal berriak erakusleihoa izango du eta sarrera egokia.
Gizarte erakundea da
Urtebete da Debagoienean Emausek lehenengo denda ireki zuela; hain zuzen, Gipuzkoan duen horrelako bosgarren denda. Beste bi denda ditu Asturiasen.
Denda horien helburua da: gizarte talde gutxietsiekin konpromisoa, hondakinen sorreran prebentzioa erraztea eta kontsumo arduratsua posible egitea. Helburu horiek kontuan hartuta, balorazio positiboa egiten du Emausek. "Inmigranteak, pertsona nagusiak, edo baliabide gutxikoak, geroz eta konpromiso gehiago duten gazteekin nahasten dira", diote Emauseko ordezkariek.
Sindesperdicio markako produktuak
Esan behar da Arrasaten egiten direla Sindesperdicio markako osagarriak, Udalaren laguntzarekin. Dendan bertan eta internet bidez saltzen dituzte produktuak.