Deitu dute Sanjuanetako pintura lehiaketa, sari erakargarriekin

Arrasate Margo Taldeak deitu du Herensugea pintura lehiaketa, Sanjuanei dagokiona. Ekainaren 19an egingo dute, zapatua, goizez. Ohi denez, gura duen edozeinek parte har dezake, egunean bertan izena emanez Tamayo dendan (Olarte kalea, 10), 09:00etatik 10:00ak arte. Bestalde, bihar egubakoitza zabalduko dute margo taldearen pintura erakusketa, Harresi aretoan, 19:00etan. Ikasturte bukaerako erakusketa da. Ekainaren 18ra arte ikusi ahal izango da, 18:00etatik 20:00etara.

Pintura lehiaketari dagokionez, sari sorta erakargarria prestatu du Arrasate Margo Taldeak, are erakargarriagoa bizi dugun krisi garaian: 600 euro aurrenengoarendako; 400 euro hurrengo biendako eta 300 euro haien osteko biendako.

Arrasatear margolari onena ere sarituko dute beste 300 eurorekin, eta bigarrena 15ekin. Eta gazteei dagokienez, margo kutxa bana emango diete 17 urte artekoetan bi onenei eta beste horrenbeste 13 urtekoei.

Alde zaharrean, derrigor

Pintura lehiaketarako gai eta teknika mota aukerakoak izango dira, eta parte-hartzaileek eurek erabakiko dute non egin gura duten lana; hori bai, derrigor egin beharko dute Arrasateko alde zaharrean.

14:00etan bukatuko da lanak entregatzeko epe. Eta epaimahaiak egunean bertan jakinaraziko du irabazleen zerrenda. Sariak 14:30ean banatuko dituzte Harresi aretoan.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.