Defentsan eta erasoan lan eskasa eginez, Mondragon Unibertsitateak ez zuen aukerarik izan Viajes Marfilen kontrako partiduan. Lehen laurdenean nahiko ondo jokatu zuten arrasatearrek, baina azken minutuetan defentsan egindako hiru hutsengatik sei puntuko aldea atera zien Viajes Marfil taldeak.
Bigarren laurdenean defentsa indartu zuten nafarrek, eta MUri erasoko ideia guztiak agortu zitzaizkion. Hala, atsedenera 14 puntu atzetik heldu ziren (46-32).
Itxura hobea, joko berbera
Atsedeneko demandaren ondoren, MUk hobeto jokatu zuen. Aldaketa batzuk egin zituzten, eta itxura hobea eman zuten, baina ez zen nahikoa izan lehia irabazteko. Laugarren tartearen hasieran 15-2ko partzialarekin erabakita utzi zuten lehia nafarrek.
Partidu bukaeran Paulek, Igorrek eta Gorkak defentsan egindako lana azpimarratu zuen Zurbanok. Era berean, Zuhaitzek erasoan, eta gazte mailako Andonik egindako lana azpimarratu zituen.