Jaiak hasteko, esaterako, egubakoitzean auzo afaria egin zuten Mietzerreka elkartean. "Guztira 55 lagun elkartu ginen eta auzo giro aparta izan genuen", azaldu zigun Inazio Zuazubizkar Meatzerrekako auzo alkateak.
Zapatu arratsaldean, 16:00etatik aurrera, Gorriti eta bere animalien ikuskizuna izan zen elkartearen aurrealdean. "Pottokak, zezen txikiak eta beste hainbat animali ekarri ditu Gorritik", ezan zigun Zuazubizkarrek. Hara joandako lagunen iritziz, ekitaldi arrakastatsua izan zen Gorritirena. "Lagun asko etorri dira Gorriti ikustera; auzoko umeez gain, kalekoak ere etorri dira", gogoratu du auzo alkateak.
Mus txapelketa eta dantzaldia
17:00etan mus txapelketa jokatu zuten; esan behar da, bikote gutxik parte hartu zutela txapelketan. Bestalde, iluntzean Kuluxka taldearekin dantzaldia egon zen. Han ere, jende gutxi egon zen.
Atzo, domeka, meza izan zuten auzotarrek San Baleixo ermitan. Ondoren, dantza saioa izan zuten elkartearen aurrealdean Txikitxu Arrostaitz taldearekin.