San Juanetako danborradetan erabilitako jantziak itzultzeko deia egin du SUDC elkarteak. Oraindik jantzi guztiak ez dituztela jaso adierazi dute SUDCeko ordezkariek. Uztailaren 30era arte jantziak batuko dituzte SUDCeko egoitzan, Pablo Uranga kaleko 4. zenbakian, 18:00etatik 20:00etara.
SUDCekoek emandako datuen arabera, haur danborradaren kasuan, 40 bat jantzi jasotzea falta zaie. Orain dela hiru urte egin zituzten danborradako traje berriak eta behin erabili eta gero, itzuli beharra dagoela gogoratzen dute SUDCekoek. Nagusien danborradari dagokionez, dozena bat traje jasotzeko dituzte oraindik.
Gogoratu bestalde hurrengo urtean 50. urteurrena beteko duela nagusien danborradak. Irailean hasiko dira gertatzen urrezko ezteien ospakizunak. Datorren ekainaren 23ko danborrada berezia izatea nahi dute antolatzaileek.
Haurren danborradari dagokionez, ohi bezala, San Juan aurreko zapatuan egingo dute. Aurtengoan 170 neska-mutiko inguruk hartu zuten parte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak