Berrikuntzetako bat Arrasateko Dragoi Gimnasia Taldearen erakustaldia izan zen. Arrasateko hainbat gaztetxok euren abileziak erakutsi zituzten, eta jende asko izan zen horien ikuskizunaz gozatzen egubakoitzean. Hori bukatu ostean, flamenko ikuskizuna eta saiheski jana izan zituzten gauean.
Zapatuan, musika barra-barra
Zapatuan, berriz, brindisarekin hasi zuten eguna; eta arratsaldean hainbat musika taldek esku hartu zuten: Las Chambras, Nuestra Señora de Guadalupe eta Al Andalusko taldea. Horrez gain, play-back jaialdia eta dantzaldia ere izan zituzten.
Atzo, domeka, berriz, gazpatxo eta tortilla lehiaketak bertan behera utzi zituzten, beste hitzordu bat zeukatelako: Aita Menni ospitalera jo zuten beste kultura elkarte batzuekin batera produktuen dastatzea eta jaia egitera.