Eduki hau partekatzeko esteka arbelera kopiatu da.
Ezkontza bat ospatzen ari zirela, pertsona batek jaurtitako etxafuego batzuen erruz, bospasei lagun lesionatuta gertatu ziren zapatuan, gauerdian, Arrasaten. Elkano kalean gertatu zen ezbeharra, 23:45ak aldera hain zuzen ere, eta zaurien ondorioz bospasei lagun Arrasateko Ospitalera jo behar izan zuten. Ertzaintzak emandako informazioaren arabera, ezbeharra eragin zuen gizonezkoa identifikatuta daukate eta auzia Bergarako Epaitegiaren esku jarriko dute asteon.