Bizkaia etorbideko igogailua oinezko pasabidearekin bat egiteko obretan dabiltza. Hori dela-eta, igogailua itxita egongo da hilaren 22ra arte.
Apirilean hasi ziren lanekin
Apirilaren 19an hasi ziren obrak, eta Udalak lau hilabete eta hiru asteko epea eman dio Obegisa enpresa eraikitzaileari lanak amai ditzan. Obren zuzendaritza Telleria-Zueco enpresaren ardura da.
12 metro gehituko dituzte
Barruko konponketak egin eta solairu bat gehituko diote gaur egun dagoen igogailuari. 12 bat metroko altuera izango da gehituko diotena, igogailua oinezkoen pasabideraino irits dadin.
Bizkaia etorbidea eta Larragain lotuko dituzte
Modu honetan, Bizkaia etorbidea eta Larragain kalea, edo bestela esanda
Malbinak, lotuta geratuko dira. Obegisa dabil lanok egiten 257.245,71 euroko
aurrekontuarekin. 12 metro luzatuko dute, eta dorretxo bat egokituko dute
igogailuaren goialdean. Dorretxoak diseinu ikusgarria izango du eta
oinezkoendako pasabide bat ere eraikiko dute, igogailua eta auzoa lotuko
dituena. Dorretxo horrek hiru eskailera tramu izango ditu eta igogailua.
Auzotarren kexak
Gorostiza auzoko bizilagunen kexen ondorioz erabaki du Udalak igogailua auzoko puntu altuenera igotzea. Orain arte, solairu bat beherago geratzen zen igogailua eta azken zatia oinez egin behar izaten zuten auzotarrek.
Iazko maiatzean zabaldu zuten Gorostizako igogailua, Arrasateko aurreneko igogailu publikoa.