Aurreikuspenak ez dituzte bete
Ireki zutenetik Biteriko aparkalekuak ez ditu arduradunen aurreikuspenak bete, izan ere, uste baino jende gutxiago hurbiltzen da bertara autoa uztera, okupazio maila erdia baino zertxobait gutxiago izan delarik orain artean. Honen aurrean, udalak jarritako gehienezko prezioa, 1,80 eurokoa, %30 jaistea erabaki du Bikanik, aparkalekuak kudeatzen dituen enpresak. Gauzak horrela, urtarrilaren 1etik, minutuka kobratzen dute: 5 zentimo hiru minutuko.
Bi motako aparkalekuak daude Biterin:
- Txandaka aparkatzekoak, hau da une baterako erabiltzen direnak.
- Pribatuak, kopuru bat ordaindu eta epe luzerako erabiltzaile batentzat bakarrik direnak.
Hasera baten jendeak aparkalekuen prezioak ez zituela begi onez hartu jakinarazi digute Bikani enpresakoek, nahiz eta, adibidez, Eibarko tarifen berdinak izan. Hala ere, hasi dira pixkanaka auto gidariak ikuspuntu hori aldatzen.
Herritarrendako zerbitzua
Prezio jaitsiera honekin, herritarrak zerbitzua erabiltzera animatu nahi ditu Bikani enpresak, herri osorako zerbitzua dela esanez, inbertsio handia eskatu duena.
