Patxi Arburuak, Obren Saileko arduradunak Arrasate Irratirari jakinarazitakoaren arabera, Udalaren etorkizuneko helburua da Biteri plazaren gainean azterketa orokor bat egitea, “ikusita herritarrak ez direla konforme geratu plaza horrekin”.
Bien bitartean, txukundu
Edozelan ere, horrekin batera, zinegotziak gaineratu du azterketa hori egin bitartean plaza hura apurtxo bat txukuntzen ahalegindu behar direla, bereziki, “maiatzean Pedro Biteri eta Aranaren urteurrena dela-eta, plazari itxura hobea eman gura” diote.
Zinegotziak azaldu du momentuz, asmoa dela Biteri plazako lorategiak apurtxo bat txukuntzea. Horrez gainera, umeen jolastokian dauden hutsune batzuk aprobetxatu eta inguru hartan aparailu berriak ere ipini gura dituzte. Edozelan ere, esandako moduan, hori guztia oraindik azterketa fasean dago.