Biribilguneetako obrak bihar (egubakoitza) bukatuko dituzte

Eguraldi bortitza egiten dabilen arren, San Frantziskoko eta Maalako biribilguneetako obrak martxa onean doaz, eta aurreikusitako epean bukatu egingo dituztela jakinarazi digute Obra Sailetik, bihar, beraz. Hainbat herritarrengandik kexuak jaso dituzte, zaratengatik.

Aste osoan moduan, azken egun hauetan ere gauez egingo dute lan Maalako eta San Frantziskoko biribilguneetan, herritarrei ahalik eta eragozpen gutxiago eragiteko. Hala ere, Obra Sailetik kontatu dutenez, hainbat kexu jaso izan dituzte, obrek eragiten dituzten zaratengatik.

Biribilgune estrategikoak

Bada, horren harira, Udaletik azpimarratu gura izan dute obra horiek egunez egiteak eragozpen ugari eragingo lituzketela, batez ere, zirkulazioan. “Herri barruko zirkulazioarendako estragegikoak diren bi biribilgune dira horiek”. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.