Biona azken gaupasaren testigu izan zen zapatuan, 05:30ean itxi zituzten ateak, baina jende asko geratu zen barruan

Ezin esan Bionak ze ordutan itxi zituen ateak domeka goizaldean. 05:30ak aldera sartu zituzten giltzak lehenengoz sarrailan –txokolate beroa zerbitzatzen hasi eta gutxira–, baina barruan jende mordoa geratu zen, eta azkenak irten orduko orduak igaroko ziren.

Arrasateko taberna horrek 53 urtetan bizi izan dituenak eta gero, azken gaua ezin zen gutxiagorako izan. Udalan bazkaldu eta gero, Bionako langileek 18:00etan ireki zituzten ateak –gauen zehar lehenagoko langileak ere izan ziren barraren ostean–, eta taberna ireki bezain laster bete zen, goraino, gainera.


Los siete magnificos and friends taldeak gaur egungo batzuk –Never Surrender, Enboskada– eta lehenagokoak –RIPeko Jul eta Txerra– batu zituen taula gainean. Karaokea ere egin zuten, baina guztiek gura zuten abestu, Kaos-okea bilakatuz. Emozioz betetako jaia izan zen, Bionako azkena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.