Iñigo Garitanok, Gizarte Zerbitzuetako udal teknikari-buruak esandakoaren arabera, hori adibide bat besterik ez da; izan ere, orokorrean asko hazi da Gizarte Zerbitzuen gastua. Beste adibide bat ere badugu: Arrasateko Udalak sartu gura du gizarte zerbitzuen gastu arruntaren zati bat finantzatzeko eskaera E Planaren aurtengo eskaeren artean. Hau da, Madrilgo Gobernuari eskatuko dio ordain dezala gastu horren zati bat.
Aurrekontua gertu
Horrez gainera, jakinarazi du, baita ere, dagoeneko prestatu dutela Gizarte Zerbitzuen Saileko aurtengo aurrekontua. “Azken hilabeteotako errealitatearen bilakaeraren arabera egokitu dugu”, aditzera eman du udal langileak. Aurkeztu ere aurkeztu dutela adierazi du, eta beraz, udal aurrekontu orokorraren esku dagoela orain.