Bihar, martitzena den arren, biharko egunak, astelehen itxura izango du askorentzako, opor osteko lehenengo lan eguna izango da-eta. Hori horrela, bihartik aurrera, neguko ordutegia estreinatuko dute udaleko hainbat zerbitzuk. Hona hemen adibide batzuk:
- Udal Biblioteka goiz eta arratsaldez izango da bihartik aurrera zabalik, honako ordutegiarekin: goizez 10:00etatik 13:00etara eta arratsaldez, 16:00etatik 20:00etara.
- BAZen gaur goizez jardungo duten arren, bihartik aurrera, 08:30etatik 19:30etara egingo dute lan.
- Gazte-bulegoak bihar zabalduko ditu ateak, ohiko ordutegiarekin.
- Hiribarruko autobusak ere, bihartik aurrera eskaintza zabalagoa izango du, neguko ordutegia oinarri hartuta. Lehenengo autobusa, goizeko 08:00etan abiatuko da.