Birzikleta azokn saltzaile moduan parte hartu gura duenak oraingo asteburuan bertan dauka hitzordua, zapatuan hasiko dira-eta materiala batzen. Zein material? Ba egoera onean dagoen edozein material onartuko dute: errepiderako bizikletak, mendikoak, paseokoak, umeenak, trizikloak, kaskoak, eskularruak, maillotak, patinak, patineteak eta abar.
Datorren astean hitzordu gehiago
Zapatua da materiala eramateko aurrenengo hitzordua. Udal azokara eraman behar da, 11:00etatik 13:00etara. Hurrengo hitzorduak, berriz, datorren asterako dira: martitzen eta eguenerako, leku berean eta ordu berean. Bi egun horietan, gainera, arratsaldez ere izango dira, 17:00etatik 19:00etara.
Materiala eramateaz gainera, jabeak eramandakoari salneurria ere ipini beharko dio, azokarako. Era berean, Birzikleta azokan saltzen ez duten materiala jabeari bueltatu egingo diote.
Birizkleta azokaz gainera, baina, Mugikortasun Asterako egitarau zabala prestatu du Udaleko Ingurumen Sailak. Eguenean hasiko dira ekitaldiak. Bat nabarmentzearren, irailaren 16tik 22ra autobus urbanoan doan ibili ahal izango da.