"Denboraldiko helburu nagusia lortu dugu", adierazi digu Tena entrenatzaileak. "Akatsak egin ditugu eta pena izan da lider ez amaitzea, baina duela pare bat aste galdutako partiduak ondorioak ekarri dizkigu". Bergarako BTLS taldearen puntu bakarrera gelditu dira Arrasatekoak.
Norgehiagoka erraza
Hil edo biziko partidua zuten arrasatearrek eta ondo egin dute egin beharrekoa. Mailaz igotzeko txartela eskuratzeko lehenengo bi postuetan amaitu behar zuten txapelketa eta lortu egin dute. Erraz gailendu dira Landetxaren futbol zelaian. "Lehenengo ordu laurdenean lau gol egin dizkiegu eta gauzak asko erraztu dizkigu horrek", esan du Tenak.