Martitzenean, hilak 6, izan zen atxiloketa. Ertzaintzaren arabera, 600 euroko balioa zuen merkantzia lapurtzen saiatu ziren Musakola auzoko supermerkatu batean. B.R.O. (28 urte) eta MC.F.D. (34 urte) dira atxilotutakoen izenak.
Martitzenean, 13:30ak aldera, Arrasateko Musakola auzoko supermerkatu baten segurtasun arduradunak ertzainak bertaratzea eskatu zuen. Dirudienez, bi emakume harrapatu zituzten aldean hainbat gai zituztela eta horiek ordaintzeko kutxetatik pasa gabe lekutik alde egin nahian.
Herritarren segurtasunerako patruila bat iritsita, bertako sergurtasun-langileek bulegoetan bi emakume atxikita zituztela baieztatu zuten agenteek. Horiek identifikatu ondoren, guztira 600 euroko balioa zuten hainbat gai osten saiatu zirela baieztatu ahal izan zuten ertzainek. Hori dela eta, bi gazteak atxilotu eta Ertzaintzaren egoitzara eraman zituzten, ondoren epailearen esku uzteko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak