Bi gizonezko atxilotu dituzte lapurreta egitea egotzita

Ubane Madera 2009ko urtarrilaren 8a
Deskargatu Info Ahotsak :
Español English Français Català Galego

Gaur goizaldean bi gazte atxilotu ditu Ertzaintzak Arrasateko taberna bitan lapurreta egiten ahalegintzearren. Lekukoek esandakoaren arabera, Arimazubi plazan dauden Xaramela eta Zeppelin tabernetan ahalegindu dira lapurreta egiten. Hain justu, Xaramelako pertsiana eta ateak indarrez zabaldu dituzte.

Herrizaingo Sailak emandako informazioaren arabera, gaur goizaldeko laurak inguruan, 22 eta 33 urteko bi gizonezko atzeman dituzte taberna barruan inguruko auzotar batek zaratak entzuten zebilenaren abisua eman eta gero. Bi gazteak atxilotu egin dituzte, hori bai, biak ala biak ahalegindu dira poliziarengandik ihes egiten. Are gehiago, batek barra bat bota dio polizia bati; eta besteak ihes egitea lortu du atxiloketaren unean, nahiz eta gerotxoago beste patruila batek atxilotu egin duen.

Beti ere, Herrizaingo Sailak emandako informazioaren arabera.

 

Bi gazteak komisariara eraman dituztela eta datozen orduetan epailearen esku utziko dituztela jakinarazi du Herrizaingo Sailak.

Arrasate

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak