Udaltzaingoak emandako xehetasunen arabera, 19:00ak inguruan udaltzainen bi patruila bidali zituzten San Andres auzoko Revuelta kalera, borroka bat zela-eta, abisua jaso zutelako. 30-40 urte bitarteko bi gizonezkok jardun zuten elkarri kolpeka; batak, gainera, giltza ingelesa erabili zuen bestea kolpatzeko.
Ospitalera
Udaltzainak bertaratu zirenerako, bi gizonezkoek alde egin zuten. Edozelan ere, biek Eskualdeko Ospitalean bukatu zuten, hainbat kolperekin. Hala, ospitaleko txostena eta Arrasateko Udaltzaingoak egin duena Bergarako epaitegira bidaliko dituzte, bi gizonezkoek azalpenak eman ditzaten epailearen aurrean.