Bi emakumezko harrapatu dituzte Alfontso VIII kalean. BIDEOA

08:45ean gertatu da istripua. 4x4 auto batek 50 urte inguruko Eibarko bi emakumezko harrapatu ditu Alfontso VIII kalean, biribilgunetik gertu. Gidaria Aramaiokoa da. Udaltzaingotik adierazi digutenez, zebrabidea baino metro batzuk lehenago ari ziren zeharkatzen errepidea bi emakumeak. Ordu horretan, gainera, ikuspena ez zen oso ona. Zauritu bat Debagoieneko Ospitalera eraman dute eta bestea Gasteizera, Txagorritxu Ospitalera. Udaltzaingoak eman dizkigun datuen arabera, larri daude bi emakumeak. Zenbaterainoko larritasuna duten ez digute zehaztu.