Besaideren hamabostaldia, gaurtik hasita

Besaide Mendi Elkartea mendi hamabostaldian murgildu behar da gaur, 19:00etan Kulturaten izango dira-eta Marimendi taldeko emakumeak euren egitasmoen berri emateko. Besaidek formula bera erabiliko du aurten ere, aste barruan ikus-entzuneko interesgarriak, eta asteburuetan mendi irteerak. Hala, aurten zuzendaritzako kideek espeleologiaren alde egin dute.

Gaurtik hasita, datozen asteotan mendiarekin lotura zuzena duten ekintza mordoa izango dira aukeran, Besaidek egitarau zabala prestatu du-eta. Berritasunen artean dago Besaidek espeleologia sustatzeko egin duen ahalegina. Batetik, Bilboko espeleologia taldea gonbidatu dutelako Arrasatera berbaldia ematera, eta bestetik, Koba Haundi leize zulora irteera prestatu dutelako, Arrasateko espeleologia taldeko kideen laguntzarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.