Gaur, bihar eta etzi ziren Arrasaten Abiadura Handiko Trenaren lanak egin ahal izateko desjabetu beharreko lursailen desjabetze aktak sinatzekoak eta bertan behera gelditu dira sinatzeok. Goizeko 8:30ean AHT Gelditu! elkarlanak deituta, hainbat herritar udaletxeko ate aurrean zeuden desjabetzeen kontra egiteko. Herritarrak udaletxeko ate aurrean ipini dira barrurako bidea oztopatuz. Ertzantzak, baina, indarrez, sakabanatu egin ditu bertan bildutakoak eta tentsio uneak bizi izan dira.
Goizeko bederatzietan puntuan iritsi dira Sustapen Ministerioko ordezkariak eta Ertzainek lagunduta egin dute udaletxerako bidea. 09:05erako, Espainiako Gobernuko ordezkariak kalera irten dira desjabetze aktak sinatu barik; izan ere, alkateak adierazi du ez zituela aktak sinatuko baldintzak betetzen ez zirelako.
Guztira 80 lursail desjabetu behar dituzte Arrasaten, Arrasate-Aramaio eta Arrasate-Elorrio tramuetan. Lehen aldia da bi tramoen desjabetzak batera sinatu gura izan dituztela.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.