Bertso jaialdirako Arrasateko eta Oñatiko sarrera guztiak, agortuta

Agortu dira Udalbiltzako auzipetuei laguntzeko domekan Arrasaten egingo den bertso jaialdirako sarrera guztiak Arrasaten eta Oñatin. Debagoienean, beraz, Bergaran bakarrik eros daitezke, Arranon, eta handik jakinarazitakoaren arabera, 15 bat bakarrik geratzen zaizkie.

Antolatzaileek esandakoaren arabera, ahaleginduko dira egubakoitz-zapaturako Arrasatera sarrera gehiago ekartzen. Edozelan ere, kontuan hartuta auzipetuek bakoitzak bere esparrura sarrerak eraman dituela, ba litekeena da gainerakoak ere laster gastatzea.

Gainerako saltokiak

Euskal Herri mailan, gainerakoan honako lekuetan daude sarrerak salgai: Baionan, Elkar Megadendan; Oiartzunen, Amazkarren; Oreretan, Arkaitzan; Lezon, Tiñelun; Pasaian,  Mimos eta Antxetan; Lazkaon, Ansoategi eta Albokan; Urretxun, Aldirin; Durangon, Herriko Tabernan; Lekeition, Guzurmendin; Bilbon, Kalderapekon eta Gasteizen, Hala Bedin. 

Arrasate Irratian, zozketa egubakoitzean

Eta beste aukera bat da Arrasate Irratiko zozketan parte hartzea, izan ere, egubakoitzean, 11:45ean bertso-jaialdirako sarrerak zozketatuko dituzte.

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.