"Gure sasoiko, 1949ko, literatura oso gutxi dago eta eta orduko gertaerak ez daude ia inon jasota", diozku Velez de Mendizabalek. Hala, garaiko egunkarietan murgildu eta goitik behera arakatu zituen Arrasate eta arrasatearren albisteen bila. Are gehiago, Velez de Mendizabalek egiaztatu zuen Donostiatik Arrasatera Arrasatetik Donostiara baino distantzia gehiago dagoela, egunkarietan hemengo oso albiste gutxi aurkitu zituelako. Arrazoi horregatik, Arrasateko Udaleko osoko bilkuretako aktak ere aztertu zituen.
80 orrialdeko liburu horretan egilea bera jaiotako urtearen Arrasateko erradiografia egin du. Hala, langileen soldatak, etxebizitzen prezioak, jaiotze eta heriotza tasak, Franco Arrasatera etorri zenekoa, gertaera politiko eta sozialak, anekdotak, txutxumutxuak eta beste batu ditu.
Egileak 300 bat liburu kaleratu ditu eta esan digu lagunei banatzeko direla. Hala ere, Udalak ere eskuratu ditu batzuk. Interesatuek jo dezatela Udalera edo bestela Euskomediara.