Power Electronics Valentzia taldeko jokalariak partidua bukatu ondoren itzuliko dira etxera. "03:00ak aldera helduko gara etxera, eta espero dezagun garaipenarekin itzultzea. Oso inportantea da taldearendako". Bi taldeek Euroligako lehen jardunaldia galdu egin zuten, eta puntuak inportanteak dira biendako.
Arrasate Irratian
Arrasateko Irratiko lankideek Barberenaren lehen hitzak jasoko dituzte biharko Igo autobusera saioan. 10:30ean izango da.
Arrasatetik Euroligara
Barberenak 21 urte ditu, eta 2007-2008 denboraldian heldu zen EBA ligara, Desarrollo Utebora. Ondoren Onda Urbana Castellonek fitxatu zuen, eta bertan bi urte eman eta gero Arrasateko jokalariak Valentzia Basketen deia jaso zuen. 2010-2011 denboraldia hasi zenetik valentziarren harrodiko taldearekin jokatu du EBA ligan.