Bost kidez osatuta dagoen Belgikako taldeak zirku esperimentala egiten du. Beraien herrialdeko hainbat konpainiatan ibilbide luzea egin ostean, Hans Vanwynberghe, Joris Verbeeren, Sander de Cuyper, Nino Mertens eta Gab Bondewel artistek Shake That sortu zuten, Belgikako Humorologie Jaialdiarekin elkarlanean.
Koktel taberna
Bostekoak koktel taberna jarriko du kale erdian, antzerkia, erritmoa eta zapatu gaueko musika nahastuko dituen ikuskizun harrigarrian. Malabareak, umorea, magia, ikusleekiko harremanak eta konbinatu gozoak uztartuz, azken belaunaldiko artista horiek azken aldiko ikuskizun aipagarrienetarikoa aurkeztuko dute Arrasaten.
Tabernako barra da agertokia, eta zerbitzariek, ezagutzeko moduko paperak antzeztuz, istorio dibertigarriak kontatuko dituzte. Erritmo bizi-bizia duen lana, koktel taberna berria jartzeko leku onenetako batean: Herriko plaza. Emanaldiak 45 minutu inguru irauten du.