'Belarra kantari' eleberriaren aurkezpena

Kalean da 'Belarra kantari', Doris Lessing Nobel saridunaren lehen eleberria, euskaraz, Koro Navarrok, XXI. Jokin Zaitegi Sariketaren irabazleak, itzulia. Urriaren 28an Donostian aurkeztu ondoren, eguenean, hilak 11, 19:00etan Kulturateko Jokin Zaitegi aretoan aurkeztuko da eleberria. Horretarako, AED elkarteak gonbidatu ditu itzultzailea, Koro Navarro, Elkar argitaletxeko ordezkari den Aintxine Mendizabal, eta Kutxako Kultura Saileko arduraduna, Mikel Irizar. Bertan, liburua sakonago ezagutzeko parada izango da.

Belarra kantari

Eleberri hau heriotza batekin hasten da, eta hilketa horretara iritsi arteko bide bihurri eta zoritxarrekoa kontatzen du. Laborari zuri pobreen alaba da Mary, hirira joan eta bizimodu erosoa daramana, konbentzio sozialek estututa ezkontzeko premia sentitu eta nekazari errukarri batekin uztartzen den arte. Gaizki hasitakoa gero eta okerrago joango da: bizimodu latz eta txiroak itota, gizarte zorrotz eta arrazista baten sareak lotuta, gorputz-gogoen higadura batean amilduko dira senar-emazteak, inork gelditu ezin duen gainbehera garratzean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.