Horrez gain, bihar Alaitz Muro eta Agurtzane Villate ipuin kontalariak izango dira, Baobab ipuin afrikarren kontaketa ilustratua egiteko (18:30). Bestalde, eguenean, apirilak 15, ahozkotasunaren gaineko nazioarteko jardunaldiak egingo dira Kulturaten. Goizean Kataluniako Nunila Lopez eta Kubako Mirta Portillo izango dira hizlari (11:00); arratsaldean, berriz, Argentinako Nora Lua eta Italiako Luciano Federico (19:30). Eta asteari amaiera emateko, apirilaren 16an Juan Ignacio Montianoren Todo vale liburuaren aurkezpena egingo da Kulturateko areto nagusian (19:00).
Liburuaren digitalizazioa auzian
Datorren astera begira, hilaren 22an puri-purian dagoen gaia landuko dute Jorge Jimenezek, Josu Landak eta Eneko Barberenak Liburu elektronikoa izeneko mahai inguruan. Hau da, papereko formatuaren etorkizuna izango dute berbagai. Azkenik, apirilaren 27an poesiaren txanda izango da. Bi Anai: komuneko paperean idatzitako poemen errezitaldia izango da Kulturateko areto nagusian, 19:30ean.