Heltzear dira San Juan jaiak eta gogor hasiko diren itxura dute. Izan ere, koadrilen bazkarirako txartelak salgai jarri bezain pronto agortu ziren eta askok ezin izan dute txartelik lortu. Txartela lortu ez dutenen artean, gazte batzuek kexa azaldu dute, diotenez, txartel asko "erreserbatuta" zeudelako. Kontuak kontu, eguztenean, hau da, San Juan bezperan, giro paregabea ziurtatuta dago, egun osoan.
Gazte batzuek kexa azaldu dute San Juan bezperako koadrilen bazkarira joaterik ez dutelako. Azaldu dutenez, txartelak salgai jarri zirenean joan ziren tabernetara txartelak erostera baina horietako asko "erreserbatuta" zeudela azaldu dute: "Guk txartelak salgai jartzen zituztela jakin orduko, beste batzuek erreserbatuta zeuzkaten", diote.
Jai batzordearen erantzuna
Jai batzordeak kexuei erantzun die. Azken hiru urteetan, bazkaria gaztetxean egin denean, txartelak lortzeko arazorik ez dela egon diote: "Gure asmoa ahalik eta koadrila gehien batzea da eta ez inori ateak ixtea. Hala ere, kritikak kontuan hartuko ditugu datozen urteetarako". Bazkarira joaterik ez dutenei, Txopo poteoan parte hartzera gonbidatu die Jai batzordeak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak