Egitaraua urterokoa izango da: mendizaleek 11:00etarako dute hitzordua, Besaiden. Ordu horretan hasiko da azken urtean hildako mendizaleen oroimenezko meza. Meza ostean txalapartariak, trikitilariak, bertsolariak eta dantzariak izango dira. Eta azkenik, lore eskaintza egingo dute.
Irteera irailaren 26an
Bestalde, mendi irteera antolatu du Besaide mendizale elkarteak datorren irailaren 26rako. Egun osorako irteera izango da, Ordunte mendikatera; 07:30ean irtengo dira, Garibaitik. Izena eman gura duenak datorren astean izango du aukera, hilaren 20an, 21ean eta 22an –19:30etik 20:30era, Besaideren egoitzan.