Joan den abuztuaren 10ean askatu zuten Igor Letona preso arrasatearra 2003tik espetxean egon ostean. Zazpi urte egin ditu Frantziako espetxe ezberdinetan, ETAko kide izatea leporatu ziotenetik. Espetxean zazpi urte egon arren, 1994tik egon da Arrasatetik kanpo. Frantziako Saint Martin de Re espetxean egin du azken igaroaldia Letonak, eta herrira heldu bezain pronto harrera egin zioten 50 herritar baino gehiagok, tartean senideak eta lagunak.
Abuztu erdialdean askatu zutenez hainbat herritarrek ez zuten aukerarik izan preso arrasatearrari ongi etorria egiteko, oporretan zeudelako. Hala, euskal presoen eskubideen alde hileko azken egubakoitzetan egiten den elkarretaratzea aprobetxatuz, ongi etorri ekitaldia egingo diote bihar Igor Letonari, abuztuko Azken Ostirala dela kontuan hartuta. Ekitaldia 20:00etan izango da, Herriko plazan, eta ondoren manifestazioa egingo dute Arrasateko kaleetan zehar.
