Adibidez, "Corazon de Encina 80 urtetik gorakoei ematen diegun lunchera ezin izan dira etorri izena eman zuten askok. 40-50 elkartu gara eta bestela 60-70 bat elkartuko ziren, , oraindik ere gaur arratsaldeko ospakizunak falta dira", kontatu du Aitor Guridi auzo alkateak. Hark gaineratu du "komunioetara egokitu" egin behar izan dituztela, baita ere, gaurko umeendako prestatutako ekitaldiak. Adibidez, atzeratu egin dute Gorriti eta bere animalien jarduna. Texas Holden karta txapelketak, berriz, bere horretan segituko du: 16:00etan Urmai kafetegian.
Auzokoak bertakoak
Edozelan ere, orokorrean pozik daude jaien antolatzaileak orain arteko erantzunarekin. 150 lagun izan ziren, adibidez, zapatuko herri bazkarian. Eta orokorrean, nagusi eta gazteak ikusi ditugu parte hartzen hainbat ekitalditan: "Ahalegindu gara ekitaldietako batzuk (ipuin kontalaria, magoa, buruhandiak…) auzokoek bertakoek egindakoak izaten, eta nik uste dut horrek jende gehiago erakarri duela", adierazi du auzo alkateak. Bestalde, auzoko jaiak izan arren, kaletarrak eta ingurukoak ere oso ondo hartzen ditugu, eta batzuk etorri dira", gaineratu du.