Mondragon Unibertsitateko Goi Eskola Politeknikoak zuzendutako proiektuan, guztira, 17 erakundek parte hartuko dute, besteak beste, Espainiako unibertsitate, ikerketa-zentro eta enpresek.
Karbono dioxidoaren isurpena
Mundu zabaleko erakundeek eguraldiaren aldaketa geldiarazteko hartutako konpromisoaren esparruan kokatu dute proiektua. Nazio Batuen Erakundeko Eguraldiaren Aldaketari buruzko Gobernu arteko Taldeak joan den otsailean aurkeztutako txostenaren arabera, karbono dioxidoaren isurpenak eta haiek eragindako beroketa areagotu egin da 1995etik 2005era bitartean, giza jardueraren ondorioz.
Hala, Europako Batzordeak automobilen karbono dioxidoen isurpenaren derrigorrezko murrizketa inposatu du 2012 urtetik aurrera; kilometroko bataz-beste 120 gramoraino.
Egitura arindu
Proiektua zuzentzen dutenen arabera, helburu horiek lortzeko bideetako bat egitura arintzea da. Automobilaren masa % 10 arinduta erregai-kontsumoa % 7 gutxituko dela kalkulatzen dute. ALM (Automotive Lightweighting Materiales) proiektuko datuen arabera, erresistentzia handiko altzairu aurreratuak erabiliz eta fabrikazio-prozesuak optimizatuz, automobilen masa %15 eta %25 bitartean arinduko litzateke. Karbono-zuntzezko konpositeak erabiliz, berriz, masa %25 eta %70 bitartean murriztea lortuko litzateke.