2006tik 2007ra, urbanoaren erabilera 1,64 puntu igo zen. Horrek joera aldaketa erakusten du, izan ere, 2003az geroztik, urbanoak bidaiari gehiago izan zituen iaz, aurreko joera aldatuz behera egin zuen erabilerak: hala, 2003an 194.306 erabiltzaile izan zituen, orain arte urterik urteko kopururik altuena; 2004an, 2.000 inguru bidaiari gutxiago izan zituen; handik 2005era, 4.421 gutxiago; eta 2005etik 2006ra, 6.721gutxiago.
Bonobusa
Bonobusez ordaintzen dutenen kopuruak etengabe egin du gora; iaz, bidaiarien %62ra iritsi zen. Udaleko Amaia Arana arduradunaren esanetan, "ulertzekoa da bonobusa gero eta gehiago erabiltzea, askoz merkeagoa baita: txartela euro bat da, eta bonobusez, berriz, 58 zentimo".
Horrez gain, egubakoitzetan erabili izan da gehien autobusa hasiera-hasieratik; Udalaren esanetan, "merkatu txikia egiten delako eta mugimendu handiagoa dagoelako". Ordutegiari dagokionez, 11:00etatik 12:00etara erabiltzen da gehien. Bestalde, Udalak egin dio Gipuzkoako Foru Aldundiari informazio eskaera, urbanoa txartel bateratuan sar dadin eginbeharreko tramiteen gainean.
Urbanoaren iazko datuak
- Bidaiariak: 176.582
- Batez beste egunero: 586
- 1. lineako bidaiariak: 86.552
- 2. lineako bidaiariak: 82.283
- Zerbitzu bereziak: 5.150
- Bonobusez ordaindutako bidaiak: %62
- Bidaia gehien: Egubakoitzaetan